Një shqiptar, trafikant droge, është vënë në prangat e policisë gjermane dhe arrestimi i tij i ngjan një filmi aksion.
Mediat gjermane raportojnë se një njësi speciale e policisë së Saarland-it, e nxorri zvarrë nga makina shqiptarin në mes të qytetit. Një automjet civil nga Task Forca Mobile (MEK) frenoi Audi-n e të dyshuarit, një tjetër automjet policie u ndal menjëherë pranë tij dhe një i tretë pas.
Kur makina e autorit u rrethua, oficerë civilë të armatosur dhe pjesërisht të maskuar u hodhën nga automjetet e tyre dhe e nxorën të dyshuarin nga makina e tij me targa të qarkut Völklingen. Katër oficerë e ruajtën, e nxorën në rrugë dhe e prangosën.
Zëdhënësi i policisë Stephan Laßotta tha për BILD se ishin sekuestruar gjithsej 30 kilogramë drogë.
Një pjesë e drogës u gjet në automjetin e më të cilin ishte due lëvizur shqiptari, ndësa pjesa tjetër e gjet gjatë kontrollit të banesës së tij private.
Shqiptari, identiteti i të cilit nuk bëhet ende i ditur, u dërgua në paraburgim në burgun e Lerchesflur.
Hetimi për këtë çështje sipas policisë është ende në vazhdim.
