Policia e Tiranës ka arrestuar ditën e sotme një 31-vjeçar pasi akuzohet se ka dhunuar dhe kërcënuar me armë zjarri vëllanë dhe dajën e tij.
Blutë bëjnë me dije se në pranga ka rënë shtetasi me iniciale, I.M, ndërsa ky i fundit rezulton i dënuar më parë për vjedhje.
Ndërkohë gjatë kontrollit në banesën e 31-vjeçarit, janë gjetur dhe sekuestruar 1 armë zjarri pistoletë, 1 armë zjarri automatik, 2 krehra dhe municion luftarak.
“Falë ndërhyrjes në kohë, shërbimet e Policisë kanë arrestuar në flagrancë shtetasin I. M., 31 vjeç, banues në Tiranë, i dënuar më parë për vjedhje. Nga veprimet hetimore dyshohet se ky shtetas ka ushtruar dhunë fizike në mënyrë të përsëritur ndaj vëllait të tij dhe dajës së tyre, si dhe i ka kanosur ata me armë zjarri, për motive të dobëta. Gjatë kontrollit në ambientet e banesës së shtetasit I. M. janë gjetur të fshehura 1 armë zjarri pistoletë, 1 armë zjarri automatik, 2 krehra dhe municion luftarak”,- njofton policia.
Materialet i kaluan Prokurorisë, për veprime të mëtejshme.
