Situata e tensionuar në Vlorë pas ndeshjes Flamurtari-Dinamo ka vazhduar edhe jashtë fushe.
Kryeqytetasit fituan 1-0 me një penallti të kontestuar që solli protesta të shumta në fushë dhe në tribuna.
Tifozët vlonjatë nuk kanë kapërdirë këtë humbje dhe menjëherë pas përfundimit të ndeshjes, kanë rrethuar hyrjen e stadiumit me kore për skuadrën e Flamurtarit, por edhe kundër Dinamos, gjyqtarit e FSHF-së.
Në videon e mëposhtme shihet qartësisht se si tifozët kanë bllokuar daljen nga stadiumi, me forca të shumta policore të pranishme në impiant për të ruajtur skuadrën mike, por edhe gjyqtarët në pritje të shoqërimit të tyre jashtë qytetit.
