Deputeti i Partisë Socialiste, Toni Gogu, ka publikuar një ditë më parë një postim në rrjete sociale, ku është shprehur se komandanti osman, Hajredin Pasha, është hero i dibranëve.
Duke postuar këngën e famshme mbi betejen e Gjoricës të popullit të Dibrës dhe Matit kundër forcave pushtuese osmane, Gogu shkruan se Hajredin Pasha ishte hero i këtyre trevave.
“170 vite këngë e lavdi, dedikuar Hajredin Pashës, heroit të të gjithë dibranëve. Një prej dedikimeve që ndër breza është trashëguar dhe vijon e ngjallë njësoj emocione”,- ka shkruar Gogu në fb.
Kaq ka mjaftuar që të shpërthejnë reagimet e komentet në rrjet, duke vënë në dukje edhe gafën e këtij të fundit.
“Nuk e di të qaj a të qesh me injorancën tënde”,- shkruan një prej komentuesve në fb.
Pas kësaj, Toni Gogu, ka ndryshuar edhe postimin, pasi duket se e ka kuptuar gafën, edhe pse ky është një gabim që nuk i falet një deputeti të Kuvendit të Republikës së Shqipërisë.
“170 vite këngë e lavdi, dedikuar heronjve dibranë. Një prej dedikimeve që ndër breza është trashëguar e vijon të ngjallë njësoj emocioni”,- shkruhet në postimin e edituar të deputetit, ku duket se ka hequr Hajredin Pashën që një ditë më parë e shpalli hero të dibranëve
