Nga Boldnews.al
Gjullurdi e madhe. Aksion në zhvillim nga automjeti me fenelina ndezur që bën veprime të rrezikshme mes bulevardit, në mes të ditës dhe fare pranë kryeministrisë.
Ose po kapin ndonjë kokë të rrezikshme ose po mbrojnë një kokë të madhe shtetërore nga një rrezik po aq i madh.
Kureshtja shuhet, zemra kap ritmin normal, terrori i qytetarëve nis të shuhet gradualisht, por jo plotësisht. A do plasë koburja? Po truprojat shtatlartë e sypetritë si do e mbrojnë personalitetin?
Fundi i tragjedisë së pandodhur kthehet në komedi. E gjithë skena e terrorit qeveritar u mbyll kur koka e drejtësisë Toni Gogu u fut në një nga automjetet që lëvizte furishëm.
Kjo është skena që sot ofroi shoferi dhe rojet e “rojtarit të drejtësisë”, që mund të kenë rritur në perceptime. Nuk është i vetmi rast kur shoqëruesit e kabinetit qeveritar terrorizojnë qytetarët me skena të tilla, të ngjashme me aksionet e përhershme të shoqëruesve të liderëve diktatorial në shtetet e Afrikës.
Kjo skenë zhvillohet edhe nga pastor Toni, që paqja qoftë mbi mendje të tollovitura dhe madhështia e pushtetit, patllakja e ministrit të brendshëm duket më e “mençur” në çmendurinë e individëve që u gjet në vendin e duhur dhe altarin e duhur para çiftit Veliaj-Xoxa.
Qingji i butë tashmë pi në dy anë, por si “dele e perëndisë” nuk nevojitet vetem koka e madhe bardhoshe, por edhe sjellja.
Të kërkosh modesti nga sjellja ministrore është gati herezi dhe këtë fjalë më mirë nga kushdo e di njeriu i fesë, por Ati Ramë, Biri Veliaj dhe shpirti i shenjtë Rilindje duket se janë paqyra ku Gogu sheh veten.
Ata qytetarë rastësor, përfshirë edhe të mitur nuk kanë kusure të shqetësohen nga rojtarët e ministrave dhe për më tepër një syresh që quan hero Hajredin Pashën e ushtrisë Otomane.
Në raste të tilla vlen thëniet e huazuara dhe ende të pathëna të deputetit Saimir Korreshi: “O Toni, nuk e ke rrugën private, as ministrinë”.
