Një 25-vjeçar shqiptar, Erion Hoxha, i cili u përfshi në furnizimin me drogë për të shlyer një borxh që kishte ndaj trafikantëve që e sollën në Mbretërinë e Bashkuar, është dënuar me 2 vite e 4 muaj burg.
Erion Hoxha po ngiste një Audi të pasiguruar përgjatë Bramford Road në Ipswich muajin e kaluar kur u ndalua nga policia. Hoxha u tha oficerëve se kishin marrë njeriun e gabuar dhe kur ai u ndalua fizikisht pasi nuk pranoi të vihej në pranga dhe kishte sulmuar një oficer policie, duke i shkaktuar një prerje në dorë e mavijosje.
19 paketime me kokainë, një patentë drejtimi greke, një telefon celular dhe 285 paund para të gatshme u zbuluan gjatë një kontrolli kur ai u ndalua dhe kur u kontrollua akomodimi i tij u gjetën 19 paketime të tjerë me kokainë në një dhomë gjumi.
Kur telefoni i tij u analizua nga ekspertët, u zbulua se përmbante mesazhe që tregonin përfshirjen e tij në furnizimin me kokainë duke përdorur metodën e dërgimit me kod postar.
Mesazhet në telefon tregonin se një ditë para arrestimit të Hoxhës, 26 klientëve u ishin dorëzuar 39 paketime me kokainë me një vlerë totale prej 1530 £.
Hoxha, nga Beech Road, Ipswich, pranoi se kishte poseduar kokainë me qëllim furnizimi, posedim të një dokumenti identiteti me qëllim të paligjshëm, sulm ndaj një punonjësi të urgjencës dhe posedim të pasurisë kriminale, përkatësisht 285 £ para të gatshme.
Gjykatësi Nicola Talbot-Hadley tha se ai ishte sjellë në Mbretërinë e Bashkuar në mënyrë të paligjshme dhe si rezultat ai nuk mund të punonte ligjërisht.
