Një person humbi jetën, ndërsa disa të tjerë mbetën të plagosur si pasojë e një zjarri që përfshiu një ndërtesë që përdoret nga shërbimi sekret rus në qytetin jugor të Rostov-on-Don.
Zjarri u përhap me shpejtësi në të gjithë godinën, ndërsa reja e tymit mund të shihej në të gjithë qytetin.
Sipas të dhënave paraprake nga autoritetet rajonale, zjarri në ndërtesë mendohet të jetë shkaktuar nga një qark i shkurtër, ndërkohë që flakët përparuan si pasojë e sasisë së madhe të karburantit që ndodhej aty.
Rruga përreth vendngjarjes është bllokuar nga policia, ndërkohë që një hetim i gjerë ka nisur.
Rostov-on-Don është kryeqendra e rajonit jugor të Rostovit, që ndodhet në kufi me Donetskun dhe Luhanskun në Ukrainë që janë kthyer në muajt e fundit në sheshbetejat kryesore mes dy ushtrive.
