Komisioneri për Zgjerimin në Bashkimin Europian, Oliver Varhelyi në konferencën për mediat nga Tirana, kërkoi përshpejtim të reformave nga ana e qeverisë shqiptare për integrimin e vendit në BE.
“Duam që ky rajon të jetë pjesë e BE sa më shpejt të jetë e mundur. Kemi kërkuar përshpejtim të reformave. Ramë dakort se nëse gjithcka shkon mirë ky vit mund të jetë edhe më i suksesshëm. Sepse të dyja palët përfitojnë nga përparimi i bërë. Nga Shqipëria nga ky progres se prej tij marrim një partner fqinj aleat që jo vetëm punon me ne por dhe integrohet me ne”, ka thënë Varhely.
Varhelyi dha dhe një mesazh për avancimin e mëtejshëm të luftës kundër korrupsionit. Zyrtari i lartë i BE tha se është nevoja të shihen më shumë çështje për korrupsionin e nivelit të lartë.
“Progresi i përgjithshëm i bërë shumë i mirë. Inkurajuam të bëjnë më shumë. Reforma në drejtësi po jep rezultate sic e shohim e shpresojmë se do të shohim rezultate dhe në luftën kundër korrupsionit.
Shohim disa cështje që janë shfaqur në nivelin e lartë, inkurajojmë që Shqipëria të vijojë në këtë drejtim. Po kështu dhe për të krijuar atë bilanc të nevojshëm për përparimin në bisedimet e anëtarësimit.
Dhe ne kemi detyrime, BE duhet të jetë e gatshme të mbajë premtimet e veta kur premtimet nga vendi kandidat janë mbajtur. Këtë po bëjmë me planin ekonomik të investimeve që është përcaktuar 30 miliardë euro”, tha Varhelyi.
