Avokati dhe aktivisti Adriatik Lapaj ngre alarmin për fryrjen e administratës shtetërore në prag të zgjedhjeve. Lapaj tha për Panorama TV se po blihen qytetarët me vende pune në shtet që këto të përkthehen në vota për partinë në pushtet.
Lapaj shtoi më tej se me paratë e taksapaguesve shqiptarë, marrin paga njerëz që figurojnë në borderotë e administratës në Shqipëri, por në sistemin TIMS figurojnë se jetojnë prej muajsh apo vitesh jashtë vendit. Ai paralajmëroi se do ngrejë një padi për këtë çështje.
“Jemi shteti me administratën më të madhe në Balkan. Shteti shqiptar paguan më shumë rroga në muaj në Ballkan për numër banorësh.
Administratë e tejfryrë se trajtohet si shpërblim elektoral. Një sëmundje që gërryen buxhetin e shtetit shqiptar por ul dhe cilësinë e administratës.
Sëmundje dekadash, të paktën 20 vitet e funduit që gërryen administratën tonë.
Numri i madh i të punësuarve bën të krijohen vende pune fiktive dhe që e bëjnë të pamundur kërkesën e llogarisë.
Kemi një adminsitrastë në një zyrë me 8 veta ku ka 6 karrige. Teoria një rrogë në shtet është kthyer në gjë bazike, njerëz që jetojnë në Tiranë e rrogën e marrin në Kukës, njerëz që jetojnë në emigrim e kanë borderotë në Shqipëri.
Unë do ndërmarr hapa ligjore për këtë, që në administratën e shtetit shqiptar të paktën disa mijë nëpunës buxhetorë që figurojnë me rroga në Shqipëri gjenden sipas TIMS prej muajsh apo vitesh në vendet e BE.
Po po njerëz të cilët ndodhen prej vitesh në vende të BE por që marrin rroga në Shqipëri, marrin rroga në vendin më të varfër të Evropës por nuk ndodhen në atdhe.
Këto jan qoka elektorale, e kjo vijon në cdo palë zgjedhje. Administrata zmadhohet ndërkohë që numri i popullsisë zvogëlohet statistikisht e s’do shumë mend për të kuptuar që po përdoren paratë e buxhetit për të mbajtur peng Shqipërinë.
Pra po blihen qytetarët me vende pune në shtet që këto të përkthehen në vota nesër për partinë në pushtet. Kjo është prerje në besë që i bëhet shtetit, nuk ka krim më të madh për ndërtimin e shteit se sa ta rëndosh me barra të pajustifikuara.”– tha Lapaj.
