Ka përfunduar takimi i kryeministrit Edi Rama me kryesinë e Partisë Socialiste.
Takimi cili zgjati rreth 1 orë kishte në fokus zgjedhjet e ardhshme lokale por edhe situatën e vështirë ekonomike me të cilën po përballet vendi pas inflacionit të lartë.
Pas daljes nga selia rozë, Rama e nisi me një “kërcënim” të fortë për sipërmarrësit dhe bizneset duke thënë se “do vuajnë” nëse nuk deklarojnë pagën e plotë të punonjësve. Rama tha se rritja me 40 mijë lek e pagës minimale.
Rama tha se është një nevojë kombëtare rritja e pagave dhe pensioneve. Deklaratat e tij vijnë në një kohë që politika të ndezë zyrtarisht motorët e fushatën elektorale për zgjedhjet vendore të 14 majit. Edhe deklarimi i tre ditëve me parë për rritjen pagave për mjekët specialistë duket se është në strategjinë e Ramës për 14 majin. Në këtë mënyrë ai provon të mbledhë me shumë vota duke mashtruar me rritje pagash, shpërblimesh e pensionesh.
“Është dhe aspekti programatik i fushatës, specifikat e zonave të ndryshme si dhe përmbajtja në rrafshin kombëtar. Në një moment ku përtej vështirësive e kontektit të përgjithshëm të ekonomisë, si rezultat i luftës e shtrëngimeve në mbarë Europën, jemi duke ecur mirë, kemi bërë rritjen e pagës për mjekët specialistë, të cilët do shpërblehene sipas pagave të larta të rajonit, jemi barazuar me Serbinë me pagë, jemi mbi Kosovën, në një mesatare të lartë.
Po bëjmë një ligj të ri për një tërësi profesionesh dhe detyrash në shërbimin publik që kanë të bëjnë me aftësi të veçanta, duke nisur me ato dixhitale, kemi nevojë që të ofrojmë paga që të jenë konkuruese në treg. Procesi i integrimit kërkon adaptim, kemi nevojë për të rritur pagat që të jemi më të mirët në shërbim të shtetit, deri në agronom, do të sjellim lart sistemin e pagave.
Heqim taksimin deri në pagën 50 mijë lekë të reja, për taksën e jashtëzakonshme do ua dedikojmë me prioritet pensionistëve. Të gjitha këto, me rritjen e ndjeshme të investimeve, na bëjnë ta shikojmë me optimizëm të nesërmen. Do të angazhohemi me një debat publik me sipërmarrjen publike mbi deklarimin e të ardhurave, është themelore për të pasur njerëzit e duhur. Përndryshe të gjithë do vuajnë me truket e pagave”, tha Rama.
Gjithashtu më herët Rama deklaroi se pak a shumë edhe kandidatët socialistë janë gati, ku sqaroi se një pjesë e tyre janë aktualisht në detyrë.
Pas përfundimit, u vendos që Kryesia të mblidhet sërish më datë 25 mars për të zyrtarizuar kandidatët për zgjedhjet lokale të “14 Majit. Pjesë e diskutimit të sotëm ishte organizmi i PS në të gjitha degët e saj, në funksion të maksimalizimit të votave të kandidatëve. Kujtojmë që KQZ ka bërë me dije se data 27 mars, është data e fundit për regjistrimin e kandidatëve nga partitë përkatëse, si dhe listave shumë emërore për anëtarët e Këshillit Bashkiak. Pas regjistrimit të partive që përfundon sot, në 15 mars aplikohen koalicionet, ndërsa më 14 prill nis zyrtarisht fushata.
