Anëtarja e Kryesisë së PD-së, Edith Harxhi ka folur për betejën ligjore në PD dhe manipulimet që saj, ka kryer Basha dhe Alibeaj.
Harxhi theksoi se vendimi i fundit i Gjykatës së Apelit është një marrje peng e partisë më të madhe opozitare në vend nga Edi Rama.
Sipas Harxhit, Rama dëshiron që edhe zgjedhjet e 14 majit 2023 ti ketë në tavolinë siç ia la ato të 2019-ës që ia la Lulzim Basha në tavolinë.
“Kjo është një marrje peng e partisë më të madhe opozitare në vend nga Edi Rama i cili dëshiron që edhe zgjedhjet e 14 majit ti ketë në tavolinë siç ia la ato të 2019-ës që ia la Lulzim Basha në tavolinë. Këtë radhë ai do ti marri me dhunë me gjykata duke përjashtuar PD nga konkurrimi dhe këtë herë ai nuk ka duar të ngritura brenda PD për të kërkuar të mos futen në zgjedhje.
Në 2019-ën mesa kam dëgjuar nga kolegë të mitë që kanë qënë në atë kohë në Këshillin Kombëtar i është thënë që të votojnë për të mos u futur në zgjedhje pasi ne nuk do të lejojmë të zhvillohen zgjedhjet. Edhe këto janë thënë nga Lulzim Basha që në atë kohë ishte kryetar i PD.
Këtë herë Rama dëshiron ti marrë peng këto zgjedhje dhe nëpërmjet gjykatës dhe vulës, duke harruar se demokracia nuk është as vulë as vendim gjykatash por vullneti i shumicës që ka 32 vjet që lufton për të sjellë dhe mbatjur dhe tashmë për të ringritur demokracinë në vend.
Unë i kam kërkuar Gazment Bardhit, si Sekretar i Përgjithshëm, në kohën kur u zgjodh Lulzim Basha kryetar që të pezulloheshin ato zgjedhje sepse kishin mangësi dhe nuk bazoheshin në statutin e PD-së të 2018-ës.
Zoti Basha donte patjetër që ai të fitonte edhe njëherë në krye të PD. Pas datës 13 qershor dorëzova një padi në Gjykatën e Tiranës dhe kërkova pavlefshmërinë absolute të këtyre zgjedhjeve“, tha ajo për “Syri Tv”.
