Detaje të reja janë zbardhur nga ngjarja e ndodhur ditën e djeshme në Gjykatën e Podgoricës në Mal të Zi, ku si pasojë e shpërthimit të një granate, humbi jetën një person dhe u plagosën disa të tjerë.
Media malazeze, Vijesti shkruan se 39-vjeçari Mladen Bulatoviç e aktivizoi grantatën teksa po dilte nga ndërtesa e gjykatës, pak sekonda pasi kishte hyrë brenda. Për shkak të shpërthimit, Bulatoviç vdiq në vend.
Inspektorët e policisë së Podgoricës dhe ekspertët e mjekësisë ligjore nga Danilovgrad kryejne hetime në vendin e ngjarjres.
