Në të njëjtën linjë me kreun e Partisë Demokratike Sali Berisha, aleati i tij në opozitë Ilir Meta akuzoi kryeministrin Edi Rama se me presion arriti qëllimin e tij për të bërë që Gjykata e Apelit të linte në duart e Enkelejd Alibeajt “vulën” e selisë blu.
Duke e cilësuar vendimin e togave të zeza në Apel për të rrëzuar vendimin e Agron Zhukrit marrë më 25 mars 2022 dhe rikthimin për gjykim në Shkallën e Parë të çështje, një akt të paralajmëruar të Edi Ramës, Meta nënvizon se opozita do të shkojë më e organizuar se kurrë në zgjedhjet e 14 Majit.
“Akti i paralajmëruar i Edi Ramës përmes gjykatës së kapur nuk e ndryshon dot fatin e tij.
Edi Rama ky frikacak i tmerruar nga zgjedhjet do ta ketë opozitën fitimtare përballë tij në 14 maj shumë më të motivuar dhe shumë më të organizuar se kurrë më parë.
Fitorja nuk ndalet!”, shkruan ai.