Krimi i rëndë që ndodhi mesditën e djeshme në Paskuqan të Tiranës vijon të jetë ‘në sitën’ e hetimeve, teksa detaje të reja dalin në dritë.
Bëhet me dije se autori ka qëlluar fillimisht dy vajzat Hasime Dafku dhe Mevlute Hysa, që ndodheshin në oborin e shtëpisë duke larë makinën, ndërsa në momentin që ka tentuar të vrasë gruan dhe vjehrrën e tij I është bllokuar kallashnikovi.
Në këtë moment Hutra ka nxjerë thikën dhe ka sulmuar gruan dhe vjehrën e tij, duke i plagosur rëndë.
Fakti i bllokimit të armës ka dalë dhe gjatë dëshmisë së dhënë për policinë nga Elena Hysa, e cila ka treguar se Hutrës ju bllokua automatiku, duke ndalur sulmin me armë ndaj saj dhe të ëmës.
