Policia ka reaguar në lidhje me aksidentin e ndodhur pak orë më parë në rrugën dytësore Tiranë – Durrës, ku një automjet përplasi për vdekje një kalimtare.
Sipas policisë, shtetasja me inicialet E.S është përplasur nga një makinë e drejtuar nga 28-vjeçari me inicialet E.D, dyshohet gjatë momentit që ka tentuar të kalojë rrugën.
Drejtuesi i makinës është shoqëruar në komisariat.
“Më datë 01.03.2023, në aksin rrugor Tiranë-Durrës, dyshohet se shtetasi E. D., 28 vjeç, duke drejtuar automjetin, ka aksidentuar shtetasen E. S., rreth 40 vjeçe, e cila si pasojë ka ndërruar jetë. Drejtuesi i automjetit është shoqëruar në Komisariat, për kryerjen e veprimeve procedurale. Grupi hetimor po punon për zbardhjen e rrethanave të aksidentit”, bën me dije policia në informacionin paraprak për ngjarjen.
