Një aksident masiv ka ndodhur mesditën e sotme në Tiranë, ku autobusi i Unazës është aksidentuar me disa mjete në zonën e njohur si “Shallvaret”.
Në pamjet e publikuara nga vendngjarja shihen qytetarët të tmerruar, të ulur në tokë teksa i japin ujë njëri-tjetrit, ndërsa më herët blutë në një njoftim zyrtar deklaruan se janë plagosur vetëm 3 persona.
Ende nuk dihen rrethanat dhe shkaqet e këtij aksidenti masiv, ndërsa ky nuk është rasti i parë që urbanet e “Green Line”, përfshihen në aksidente.
“Boldnews.al” sjell pamjet e këtij aksidenti tragjik ku raportohen disa të plagosur:
Policia e Tiranës ka dalë me një njoftim zyrtar lidhur me aksidentin që ndodhi mesditën e sotme në kryeqytet, ku urbani i Unazës është aksidentuar me disa automjete. Lidhur me ngjarjen e rëndë blutë bëjnë me dije se janë pagosur 3 persona, ndërsa mediat raportojnë se ka dhjetra qytetarë të plagosur.
Tiranë/Informacion paraprak
Më datë 27.02.2023, rreth orës 11:35, në vendin e quajtur Ura e Tajvanit, një autobus i linjës së Unazës është përplasur me disa automjete. Si pasojë janë dëmtuar 3 shtetas të cilët ndodhen nën kujdesin e mjekëve. Në vendngjarje ndodhen shërbimet e ambulancës me stafin mjekësor dhe shërbimet e Policisë.
Ndryshe nga informacioni i policisë, gazetari i “Boldnews” nga vendi i ngjarjes raporton se kuy aksident mund të kishte pasoja tragjike pasi janë rreth 10 makina të përfshira në aksident kurse dhjetra të tjerë janë plagosur.
