Partia Demokratike ka kërkuar zyrtarisht përjashtimin me 10 ditë nga seancat plenare për ministren për Marrëdhëniet me Parlamentin, Elisa Spiropali.
Lajmi u bë i ditur nga deputetja Ina Zhupa e cila shkruan se Spiropali fyevi dhe mallkoi në drejtim të Edmond Spahos.
“Një minutë heshtje për Edmond Spahon. Do jetë në zemrat tona”, tha Spiropali dje në Kuvend, deklaratë kjo që revoltoi deputetët e opozitës që ishin të pranishëm në seancë.
“Kërkojmë zyrtarisht përjashtimin 10 ditë nga kuvendi të Elisa Spiropalit për gjuhën e përdorur në drejtim të deputetit Edmond Spaho.
Duke përfituar nga përjashtimi pa rregulla i bërë deputetit Spaho dhe mos prezenca e tij në sallë që të merrte përgjigjen që meritonte, Elisa Spiropali nxorri arsenalin e saj fyes që i shkon përshtat komunikimit që përdorin rilindasit në zyrat e shtetit por që nuk përputhet me kodin etik të kuvendit.
Në parlament e kanë bërë zakon të fyejnë dhe të mallkojnë pa pyetur për kod etik sepse kanë kartonat e mandateve të blera që i mbrojnë dhe rregulloren e kanë kthyer në copë letër për recitim parlamentar.“- njofton Zhupa.
