Ilir Meta ka deklaruar se Partia e Lirisë do të jetë faktor vendimtar për shporrjen e monizmit nga bashkitë e vendit.
Gjatë një mbledhjeje, Meta theksoi faktin se bota është e tronditur nga skandalet e Ramës dhe se ai do të marrë atë që meriton. Po ashtu Meta ka shtuar se askush nuk do të guxojë në vend që të sillet me shqiptarët në këtë mënyrë.
“Jemi sot këtu për të vendosur kriteret për 1650 kandidatët e PL për zgjedhjet e 14 majit. Jemi këtu për të gjitha angazhimet politike, organizative për zgjedhjet vendore ku PL do jetë faktor vendimtar për shporrjen e monizmit nga bashkitë tona. Pas konstituimit të këshillit, grupi i PL që do jetë i jashtëzakonshëm, fjalën do ta marrin përfaqësuesit e banorëve, ato nën që ky regjim i nxori në rrugë për të ndërtuar kulla për oligarkët e tij. Ata do ë flasin.
Dhe nuk do të guxojë askush në të gjithë Shqipërinë të sillet me shqiptarët në atë mënyrë. Gjithë bota është tronditur nga skandalet e Ramës, kryeministri i një vendi anëtar të NATO-s. Nuk pushojnë kanë një muaj, emri i tij lakohet ende nga mediat më të mëdha botërore. kudo flitet për një agjent të lartë që ka turpëruar vendin e tij dhe për korruptuesin e tij. Edi Rama çke mbjellë ke për ta vjellë”, tha Meta.
