5 persona janë arrestuar sot në Tiranë, një tjetër po procedohet në gjendje të lirë dhe janë shpallur në kërkim 2 të tjerë për vepra të ndryshme penale.
Sakaq, është sekuestruar në cilësinë e provës materiale, një sasi e vogël lënde e dyshuar narkotike kokainë.
“Specialistët për Hetimin e Narkotikëve arrestuan shtetasin Sh. B., 47 vjeç, banues në Tiranë, pasi gjatë kontrollit të ushtruar në automjetin që drejtonte, iu gjet dhe iu sekuestrua në cilësinë e provës materiale, një sasi e vogël lënde e dyshuar narkotike kokainë.
Specialistët e Seksionit për Hetimin e Krimit Ekonomik dhe Financiar ndaluan shtetasin e shpallur në kërkim E. G., 35 vjeç, banues në Lezhë, pasi Gjykata e Shkallës së Parë Tiranë i ka caktuar masën e sigurisë “Arrest në burg”, për veprën penale “Mashtrimi”.
Specialistët për Hetimin e Krimeve të Komisariatit të Policisë Kavajë arrestuan shtetasin B. Xh., 56 vjeç, banues në Tiranë, pasi në kundërshtim me vendimin e gjykatës, ka ushtruar dhunë ndaj një shtetasi (nipi i tij), i cili ka qenë i pajisur me urdhër mbrojtjeje.
Specialistët e Qarkullimit Rrugor arrestuan shtetasit A. O., 20 vjeç, banues në Kosovë, dhe A. Xh., 28 vjeç, të dy banues në Tiranë, pasi u kapën duke drejtuar automjetin përkatës, në gjendje të dehur.
Specialistët për Hetimin e Krimeve të Komisariatit të Policisë Nr. 1 kanë referuar materialet në Prokurori dhe nisi procedimi në gjendje të lirë për shtetasin A. B., 63 vjeç, pasi dyshohet se për motive të dobëta, ka goditur me grushte, një shtetas.
Specialistët për Hetimin e Krimeve të Komisariatit të Policisë Nr. 3 kanë referuar materialet në Prokurori dhe vijojnë punën për kapjen e shtetasve Sh. B., 58 vjeç dhe R. B., 23 vjeç, pasi dyshohet se për motive të dobëta, kanë goditur me grushte, një shtetas tjetër“, njofton policia.
Materialet procedurale i kaluan Prokurorisë, për veprime të mëtejshme.
