Haxhi Thaçi, babai i ish-Presidentit të Kosovës, Hashim Thaçi ka folur rreth takimit me ish-presidentin në Hagë.
Ai u shpreh se nëse do të kishte mundësi do të merrte një banesë në Hagë, për të vizituar çdo ditë të birin, por sipas tij gjendja e tij shëndetësore ia pamundëson.
Haxhi Thaçi ka rrëfyer po ashtu se ka vërejtur se ish-presidenti ka humbur peshë.
“Ka hup shumë peshë atje në Hagë. Dojke me ma përhumb, thojke që po bën aktivitete sportive atje shumë”, tha ai, teksa më tej shtoi se ishte i frikësuar shumë që do të mërzitej për shkak të moshës, ndërsa tha se Thaçi e të tjerët kanë shkuar për faqe të bardhë.
“Pasha Zotin s’jam mërzitë veç për Hashimin, por për krejt popullin. S’kisha çka me ba. Isha në Hagë. Jam tut që po mërzitna fort. Unë jam vjetëru shumë. Edhe derxha, se vallain pa shku bile ni muj, qatje kisha gjet banesë edhe i kisha vizitu. Por, s’kam fuqi. Fryma e më ka lëshu takati. Hashimi ishte mirë. S’di me të kallxu se kush u mërzitë ma shumë”.
“Nuk u mërzita fort, se e di që ka shku për faqe të bardhë. Ajo është nder. Ai ka shku për vendin e vet. Na krejt që jemi gjallë duhet me mendu edhe për ata që janë vra për vendin e vet. Unë i thashë, mos u mërzit se marre s’ke ba. Ai s’u doket që u mërzit. Më mbeti merak që s’i pashë ata tjerët”, tha më tej Haxhi Thaçi.
