Partia Demokratike do të mbajë sot protestën e radhës para parlamentit, teksa në sallë do të mbahet seanca plenare. Kujtojmë që Sali Berisha dhe deputetët e opozitës, Flamur Noka, Belind Këlliçi dhe Edi Paloka janë përjashtuar nga Kuvendi, dy të parët për 10 ditë, ndërsa të dytët për 5 ditë, pas përplasjeve në seancën e fundit.
Protesta pritet të fillojë në orën 10:00, ndërsa në 9:30 PD do të mbledhë këshillin kombëtar në selinë blu.
Në seancën plenare në rend dite janë disa projektligje, mes tyre dhe kërkesa e Opozitës për shkarkimin e kryetares së Kuvendit Lindita Nikolla.
Po ashtu pritet të diskutohet projektvendimi “Mbi propozimin per punonjesit me kohe jo te plote pune prane KQZ, per procesin e pilotimit te votimit dhe numerimit elektronik ne zgjedhjet per Organet e Qeverisjes Vendore te dates 14 maj 2023” si dhe projektvendimi Projektvendim “Per ndryshime ne strukturen organizative te ILD”.
Protestës së sotme të opozitës pritet t’i bashkohet edhe Partia e Lirisë e kryesuar nga Ilir Meta.
Berisha ka njoftuar protestë edhe më 3 mars, ditën kur Gjykata do të japë vendimin për vulën e PD-së.
