Regjizori Edmond Budina është shprehur se kryeministri Edi Rama është frikacak dhe kërkon të shmangë ballafaqimin për aferën “McGonigal”.
Në një interviste për Panorama TV, Budina tha gjithashtu se ai nuk rrëzohet pa një përplasje të fortë dhe protesta të përshkallëzuara.
Budina komentoi edhe situatën e ndodhur në Kuvendin e Shqipërisë, ku tha se Rama fshihet pas fustanit të grave në Parlament, të cilat sipas tij janë kthyer në kukulla të kryeministrit.
Sipas tij, Reforma në Drejtësi ka çuar ujë në mullirin e Edi Ramës dhe sipas tij, i ka shërbyer qëndrimit të tij në pushtet.
“Ne duhet të respektojmë rregullat e demokracisë e miqësisë, por kur ka shenja korrupsioni, ne duhet të flasim. Edhe në SHBA ka raste korruptive, siç është rasti McGonigal. Unë e thashë edhe më herët, në një vend normal ai duhet ta kishte dhënë dorëheqjen sa më parë. Por ai nuk e jep dorëheqjen, megjithëse është frikacak. Në protestat e 90-tës, Rama iku në Greqi. Edhe në 21 janar ai duhet të ishte në krye të protestës dhe jo të rrinte fshehur në ato kullat atje. Ai do të kërkojë që ai duhet ta mbajë pushtetin me çdo kohë. Mandati i tretë i tij është i blerë. I ka terrorizuar njerëzit me vendin e punës, me bukën e gojës. Edhe shumë miq të mitë që kanë firmosur për shembjen e Teatrit Kombëtar thanë “ç’të bëjnë, na heqin nga puna”. Kanë krijuar një makineri të madhe dhune, jo vetëm fizike, por edhe psikologjike edhe me përçarjen e opozitës. Bëni hesap, ka ndërhyrë deri në FBI. Ai nuk ka për ta lëshuar kolltukun e tij pa një përplasje të fortë. Padiskutim në sferën ndërkombëtare, ky është skandali më i madh që ka prekur qeverinë Rama, por është i paraprirë nga skandale të tjera të mëparshme. Futja në Parlament e njërëzve me të shukar të zezë dhe shumë të tjera”, u shpreh Budina.
“Skandalet në qeverinë Rama nuk kanë munguar. Rama është një frikacak dhe nuk do të përballet me njerëzit. Ato në Parlament janë ministruçka. Më erdhi turp dje për ato që thoshin dje në Parlament se ndihemi të fyer nga Sali Berisha, kur Rama përdor një fjalor prej rrugaçi. Ato janë kukulla të Edi Ramës dhe ai fshihet pas fustanit të grave. SPAK duhet të kishte zbardhur minimum vetëm aferën e Teatrit Kombëtar, por është e dukshme që e gjithë kjo reforma në drejtësi, ka çuar ujë në mullirin e Edi Ramës. SPAK u bë gati 3-4 vite që nuk po bëhet asgjë nga SPAK. Shikoni mënyrën sesi zgjidhen drejtuesit e SPAK. Drejtësia në Shqipëri është në dorën e qeverisë. Shqipëria është e marrë fund sepse drejtësia është në duart e politikës. SPAK do të vijojë të sherbejë më besnikëri ndaj atyre që i kanë vendosur në atë pozicion. Edhe vettingu, njerëz që nuk duheshin hequr janë hequr dhe anasjelltas”,
