Protestat e Partisë Demokratike duhet të ngrihen në një stad tjetër sipas analistit Andi Bushati, i cili sot ka ardhur me një propozim me rëndësi për kreun e selisë blu Sali Berisha, duke kërkuar futjen në grevë urie të opozitës.
Në emisionin “NOW”, Bushati tha se beteja mund të jetë e humbur dhe do të shndërrohemi në dele të Edi Ramës nëse nuk vazhdohet me grevën e urisë, për të cilën mendon se opozita duhet ta bëjë në Parlament.
“Opozita po kërkon komision hetimor për diçka për të cilën po zien e gjithë bota dhe kush është reagimi, 10 deputetë përjashtohen. Kemi arritur në një absurd. Po të isha unë do kisha thënë që të braktisnim parlamentin, ose të futen grevë urie në atë parlament. Jemi përballë një regjimi që do t’i heqë njerëzve të drejtën e fjalës. A duhen debatuan këto gjëra në këtë vend apo do bëhemi delet e një njeriu. Edhe ato 3 fishekzjarrë dhe ato bilbila i shoh si reagim ndaj kësaj”, tha Bushati.
Sipas Bushatit opozita është e detyruar të sillet në këtë mënyrë se i hiqet edhe e vetmja e drejtë që kanë, ajo e fjalës.
