Dita ndryshon por pasqyra e seancave plenare në Parlamentin e Shqipërisë jo.
Opozita dhe mazhoranca janë përplasur sërish ashpër me deklarata që në nisje të seancës së sotme, teksa kryetarja e Kuvendit Lindita Nikolla ka nxehur gjakrat me vendimet për të ndërprerë fjalën e disa prej dputetëve demokratë.
Sakaq, një deklaratë e kreut të PD, Sali Berisha, ku është shprehur se ka video erotike që tregojnë se janë bërë orgji mes zyrtareve socialiste me ambasadorë të huaj dhe vet ëish-zyrtarin e korruptuar të FBI, Charles Mcgonigal në Tiranë, ka prodhuar debat të ashpër.
Kjo deklaratë e Berishës e bërë në daljet e tij nga selia blu është bërë shkak që disa deputete të PS t’i drejtohen me një shkresë Kuvendit për përjashtimin e tij nga seancat plenare.
Ishte fillimisht deputeti i PS Taulant Balla i cili i kërkoi Berishës të nxjerrë videot me të cilat bën presion, ose përndryshe të kërkojë falje ndaj deputetëve dhe zyrtareve socialiste.
Kërkesa e socialisteve u parashtrua nga ish-ministrja e Financave Anila Denaj, e cila gjithashtu tha se Berisha duhet të kërkojë falje për ofendimet e bëra.
“Sali Berisha nuk shmang asnjë diskriminim, por ka marrë edhe statusin e atij që mund të nxjerrë çfarë të dojë nga goja. Ose të nxjerrë prova, ose të kërkojë falje publike ndaj subjekeve të dhunës së shfrenuar. Gjatë ushtrimit të mandatit, sanksionet e rregullores lidhen me shkeljen e veprimtarisë së Kuvendit. Kjo deklaratë është depozituar sot dhe e keni marrë sot e kërkojmë që të shqyrtohet menjëherë. Më vjen keq për kryetaren e Aleancës së gruas, të cilat nuk është hera e parë është deklaratë e përsëritur, kësaj here i është bashkuar emri i ambasadorëve. Kjo është një gjuhë lincuese. Gjuha etike në këtë parlament duhet të jetë e saktë për të gjithë. Për mua është legjislatura e parë, por gjuha etike është për të gjithë”, tha Denaj.
Por në momentin që Berisha u afrua në foltore për të marrë fjalën dhe shpjeguar pozicionin e tij, seanca u ndërpre deri në vendosjen e rregullit në sallë. Berisha gjithsesi iu rikthye Facebook-ut, për t’u thënë deputeteve të PS se asnjëherë nuk do ju flasë atyre me gjuhën e Edi Ramës.
“Unë kam censurë të plotë ndaj videove dhe mesazheve erotike që vijnë tek unë. Ç’kujton ti? Jam Sali Berisha unë, nuk jam Edi Rama. Nuk jam unë ai që e dinë çfarë heqin ministrat në mbledhjen e qeverisë me fjalorin rrugaç që përdor. Unë nuk fyej publikisht. Përmenda emra unë aty. Asnjë emër, përse ju djeg ju kjo”, tha Berisha.
Më tej ai hodhi një akuzë të rëndë në drejtim të kryetarit të Grupit të PS, Taulant Balla duke e akuzuar se ka qenë trafikant i qenieve njerëzore.
“Cilës nga ju i ka djegur deklarata ime? Thoni pak dhe unë të them të vërtetën. Elisa pyeti cilës i ka djegur më shumë që unë të bëj deklaratën që kërkoni. Po ka marrëzi më të madhe se kjo. Unë thash çfarë pësuar. Ase kam akuzuar McGonigalin, me erotizmat e tij do fshihni aktivitetin e tij në Shqipëri? nuk e kaloni me këto. Lat nam në historinë e Parlamentit ky moment.. Po ai zotëria e dini që ka nxjerrë viza për moldave? Po, apo mendon se edhe ajo moldavja ka një familje që ka rënë pre e këtij? Është kapur në flagrancë për të nxjerrë viza për trafik femrash ai që keni kryetar grupi”, shtoi Berisha.
Sali Berisha për herë të tretë më pas përsëriti në Facebook se akuza e tij që lidhej me një denoncim të bërë ndaj Charles McGonigal ditën e premte në konferencë shtypi, i ka futur frikën në palcë zonjave socialiste.
“Kjo është e pabesueshme, kjo është sikur si vetëakuzë. Edhe njëherë ju them, asnjë video e asnjë mesazh të videos erotike nuk do ta gjeni tek Sali Berisha, përveç rasti McGonigal, do të shkojnë të gjitha në drejtësi. Ose krijoni një komision dhe hajdeni ti shifni. Tani na presin qytetarët”, tha Berisha duke lënë sallën për t’iu drejtuar sheshit ku e prisnin protestuesit e mbledhur prej orës 17:00.
