Kryetari i Partisë së Lirisë, Ilir Meta, ka marrë fjalën në protestën kombëtare të opozitës që po zhvillohet në sheshin përpara kryeministrisë.
Teksa dha mesazhin e tij, Meta sulmoi Ramën duke e quajtur ‘struc’ i Rilindjes.
Mes të tjerash Meta tha se ‘McGonigal’ është afera që derdhi kupën e zemërimit te shqiptarët, teksa paralajmëroi se kryeminsitri do japë llogari për shkeljet kushtetuese.
Meta: Sot është ora për t’u përballur me një resiztencë pa kthim. Struci i Rilindjes është fshehur si frikacak pa shoq nga frika e tmerrshme. Edi Rama në 10 vite e përdori pushtetin vetëm për të kapur shtetin, është gati që të kënaqë këdo mafioz për të shtyrë edhe disa ditë në pushtet. Rama-McGonigal është edhe afera që ka derdhur kupën e zemërimit mbarëpopullor. Populli i shqipërisë e ka marrë vendimin e tij dhe nuk do të lejojë që Rama të vazhdojë dhe të uzurpojë pasurinë kombëtare të shqiptarëve.
