Kryedmeokrati Sali Berisha ka shprehur mbrëmjen e sotme shqetësime që lidhen me mënyrën si funksionin Shërbimi Informativ Shtetëror, duke akuzuar kryeministrin Edi Rama se po e “shtie në duart” e PD, institucionin duke emëruar në krye Olian Kanushin.
Sipas Berishës, ka qenë rasti McGonigal që ka djegur Helidon Bendon në krye të SHISH teksa shpjegoi në Syri TV aferën për të cilën akuzon kryeministrin Edi Rama se ka korruptuar shefin e zyrës së kundërzbulimit të FBI-së.
Kreu i PD-së u shpreh se drejtori i ri i emëruar nga Edi Rama në krye të SHISH, po kërkon ta kthejë këtë institucion në një seksion të partisë në pushtet dhe kjo paraqet rrezikshmëri për Shqipërinë.
“Rasti McGonigal, mesa duket dogji kreun e SHISH, Helidon Bendo. Shqipëria ka një prani të fuqishme amerikane, të gjithanshme, e fshehur apo jo, të gjitha format. Por që ky shef kryesor i kundëzbulimit të vijë në Shqipëri, i shoqëruar nga Agron Neza në takime private, kjo është shumë e çuditshme dhe të mos njoftojnë agjencitë e tyre. U deshën 6 vite për ta vënë në pranga. Drejtori i komanduar në SHISH është një Duçkë apo Nezë në llojin e vet. Ai ka si mision shndërrimin e SHISH në një seksion të PS-së. Para disa ditë ai ka pushuar me një të rënë të lapsit, 60 oficerë të shërbimit”, tha Berisha.
“Me dhjetëra të tjerë për ti larguar nga SHISH i ka emëruar në zona më të largëta të vendit. Rama pa zbaton porosinë për shndërrimin e SHISH në një seksion të PS, por mundet edhe në një institucion me lidhje që pat vendosur Ramiz Aliaj në 1990-91 me shërbimet në vendet armike, BIA-n serbe”, shtoi më tej lideri i opozitës.
