Deputeti i LSI-së, Petrit Vasili ka folur për mediat, dhe deklaron se Kuvendi është kapur për fyti nga të lemerisurit e rilindjes.
Sipas Vasilit, mungesa e Ramës në interpelancë për skandalin me Chales McGonigal vjen si pasojë se kryeministri është i zhytur deri në grykë.
Vasili shton se Lindita Nikolla është vendosur në krahun e shkatërrimit dhe ka marrë përsipër të ekzekutoj ecurinë normale të parlamentit duke u shndërruar në kufomë politike.
“Shqipëria mbetet në vend për korrupsionin. Sot kuvendi është marrë për fyti nga të lemerisurit e rilindjes.
Rama duhet të ishte përgjigjur por ka ditë të tëra që fshihet po përpiqet që të zgjidhë problemi po është shumë i rëndë nuk i zgjidh dot, faktet janë të rënda nuk e dëmton dot opozitën sepse fshehja është prova e frikës së tmerrshme. Sot patë që ai u fsheh në mënyrën më të turpshme për një aferë ku përmendet 14 herë dhe është i zhytur deri në grykë dhe vendi i tij ku është votëbesuar dhe duhet të japë llogari. Ju e patë që u fsheh.
Nikolla është vendosur në krahun e shkatërrimit, ka marrë përsipër të ekzekutoj ecurinë normale të parlamentit. Janë shndërruar në kufoma politike”, tha Vasili.
