Nënkryetari i PD-së, Luçiano Boçi, në një deklaratë për mediat pas daljes nga parlamenti, ku u zhvillua një seancë me plot përplasje e debate të forta, theksoi se po e vazhdojnë marrjen e firmave për ngritjen e komisionit hetimor ndaj Edi Ramës për këtë aferë.
Boçi paralajmëroi se nuk do të mjaftohn me kaq, paso do të vazhdojnë me protesta.
Më tej, ai bëri të ditur se ka prezencë të shtuar të furgonëve të policisë, që sipas tij kjo tregon se Rama kërkon jo vetëm të fshihet, por edhe të mbrohet nga policia.
“Zoti Rama tani kërkon krahas fshehjes, edhe mbrojtjen policore. Po as më pak, as më shumë, të gjithë burracakët dhe tradhtarët, pavarësisht kohës ku jetojnë dhe vendosin, kanë të njëjtën pamje dhe veprojnë në të njëjtën mënyrë sikurse Rama: Fshihen para së vërtetës dhe madje duke u fshehur, vazhdojnë punën e tyre burracake të goditjes së kundërshtarit, sepse atë që nuk ka arritur dot McGonigal, kërkoi ta arrijë sot nëpërmjet mbylljes së gojës së opozitës.”– tha Boçi.
Sipas Boçit, Rama duhet të dalë para drejtësisë dhe të mos bëjë reagime në Twitter.
“Rama duhet të vendoset para drejtësisë, Rama duhet të ishte i pandehur dhe mos lëshojë twitter, që kjo çështja s’ka lidhje me ne.”- shtoi Boçi.