Ka nisur me përplasje seanca e sotme në Kuvend. Shkak është bërë mungesa e kryeministrit Edi Rama i cili sërish është zhdukur dhe nuk përballet me opozitën e cila kërkon që kreu i qeverisë të japë “llogari” për implikimin e tij në skandalin “McGonigal”.
Ndërsa mori fjalën Albana Vokshi, nga foltorja e Kuvendit nxori një video të kryeministrit Edi Rama ku dëgjohej: “Shefi i kundërterrorit ka qenë miku im”, dëgjohet teksa thotë rama për ish-agjentin e FBI-së Charles McGonigal i cili dyshohet se ka marrë 225 mijë dollarë për të lobuar kundër opozitës shqiptare.
Ka qenë edhe ky moment ku ka ndërhyre Lindita Nikolla duke i hequr fjalën. Sakaq foltorja është rrethuar nga Garda për shkak të tensioneve të krijuara.
Pjesë nga debati:
Vokshi: Ky është procesverbali, turp nuk ka më turp, tregon mënyrën sesi ju po e keqdrejtoni këtë kuvend. Ju e lejoni që të veprohet në këtë mënyrë, këtu keni një video.
Rama në video: Ai është miku im…
Nikolla: Ky nuk është procesverbal (ndërpret fjalën e Vokshit)
Vokshi: Është procesverbal
