Seanca e sotme në Kuvend nisi me përplasje dhe debate të forta. Deputetët e opozitës kanë kërkuar praninë e kryeministrit Rama në Kuvend për të dhënë shpjegime për skandalin me ish-zyrtarin e FBI, Mc Gonigal.
Gazment Bardhi dhe Luan Baçi thanë se seanca nuk mund të zhvillohet pa praninë e kryeministrit, për të cilin është kërkuar mocion me debat.
Baçi iu drejtua me një ton të lartë dhe kryetares së Kuvendit, duke i kërkuar të respektojë rregulloren.
Gazment Bardhi: Është detyra juaj që shkeljen e rregullores ta zhbëni në këtë seancë, sepse ndryshe keni vrarë parlamentarizmin. Thirreni Ramën të japë llogari. Kërkesa ime është mos e kalo në votim procesverbalin. Kemi mundësi të diskutojmë. Nuk mund ti hiqeni të drejtën e fjalës opozitës.
Lindita Nikolla: Nuk keni asnjë vërejte për përmbajtjen e procesverbalit?
Luan Baçi: Herën e kaluar ishte një seancë e turpshme. I gjithë procesverbalin nuk duhet të kalojë. Ishte nje votim që nuk ka ndodhur ndonjëherë. Në atë seancë ne kishim bërë një kërkesë për mocion me debat me kryeministrin. Ju e kaluat seancën në rrëmujë totale. Menjëherë ju njoftuam përjashtimin e 4 deputetëve të opozitës. Një postier ju sjell një urdhër të ramës. Si i përzgjodhët ata deputetë për ti përjashtuar. Nuk e doni Sali Berishën në Kuvend, sepse nuk përballeni dot. Silleni Ramën këtu për ata skandal. Ajo seancë nuk është e rregullut, duhet anuluar. Pra parlamentin e kthyer në qesharake.
Parlamentin e keni kthyer në noter të kryeministrit. Shumë herë jemi përballur bashkë, Baçi e kam mbiemrin, Luan Baçi ta mbash mend mirë.
