Një e re ka humbur jetën pasi ka kryer një procedurë aborti në Elbasan.
Ngjarja ka ndodhur një ditë më parë, ndërkohë që këtë të Martë policia lokale njoftoi procedimin e dy mjekëve për neglizhencë në trajtimin mjekësor.
Sipas burime zyrtare nga policia, rreth orës 12:00 të së Hënës, një 34-vjeçare është paraqitur në ambientet e Maternitetit të Elbasanit, ku ka kryer një procedurë aborti dhe më pas është larguar në banesë.
Rreth orës 18:00 të së njëjtës ditë, dyshohet se për shkak të komplikimeve të gjendjes shëndetësore, ajo ka njoftuar shërbimet e ambulancës, të cilat e kanë transportuar në Maternitetin e Elbasanit, ku ajo ka humbur jetën.
Për këtë rast, oficerët e Policisë Gjyqësore të Prokurorisë pranë Gjykatës së Rrethit Gjyqësor Elbasan kanë iniciuar procedimin penal për A.P., 56 vjeç dhe B.Gj., 60 vjeç, mjekë në Maternitetin e Elbasanit. Ata akuzohen për veprën penale “Neglizhenca në trajtimin mjekësor”.
“Vijon puna nën drejtimin e Prokurorisë, për zbardhjen dhe dokumentimin e plotë ligjor të këtij rasti”, mbyllet njoftimi i bluve.
Dyshimet janë se e reja ka pasur mpikje gjaku.
Lexo edhe:
34-vjeçarja ndërroi jetë pas abortit, flet mjeku anestezist: Iku me këmbët e veta…
