Kreu i Partisë Demokratike, Sali Berisha ka hedhur akuza të forta për kryeministrin Edi Rama teksa i referohet skandalit të “McGonigal”.
Gjatë një deklarate për mediat, Berisha theksoi se Rama nuk ishte sëmurur nga gripi por u zhduk jashtë vendit në një kohë kur mediat më të mëdha ndërkombëtare lakonin emrin e tij si të implikuar në këtë aferë lobimi kundër opozitës shqiptare.
“Kodi i Heshtjes që po aplikohet nga disa persona ndaj ngjarjes që ka tronditur opinionin e SHBA, Shqipërisë , Europës dhe mbarë vendeve të lira. Afera Edi Rama-Mc Gonigal është një nga aferat më të shëmtuara. Është një akt që mund ta ndërmerrnin vetëm Enver Hoxha, Kim Jong-un dhe vetëm ata… Kurrë një kryeministër i një vendi partner nuk mund t’i lejonte vetes të ndërmerrte nga SHBA-ve, vendit më kryesor në sigurinë e paqes.
Ndaj kësaj ngjarje tronditëse Edi Rama u zhduk 5 ditë me kodin absolut të heshtjes. Nuk foli një fjalë, u sëmur nga gripi diplomatik. Burime të tjera thonë se fluturoi jashtë vendit por në gjë është e sigurt. 5 ditë me radhë kur të gjitha mediat lakonin për zi emrin e tij, për fat të keq të Shqipërisë, kishte përdorur një ish oficer të sigurimit të shtetit për të korruptuar njërin më të jashtëzakonshem të gjencisë, Mcgonigal. Edi Rama hesht si kurrë ndonjëherë në jetën e tij. Këto janë çështje të hetimit, uroj që qeveria e SHBA të hetoj këto marrëdhënie. Në këto momente kur flet gjithë bota, kur ziejnë mediat e botës, ajo që bën përshtypje më të madhe dhe është “viktima” Basha i cili ka mbyllur gojën si me zinxhir”, deklaroi fillimisht Berisha.
