Mësuesit në Roskovec, kanë dalë në protest këtë të Hënë teksa kanë denoncuar mungesën e marrjes së parave për transport.
Sindikata e mësuesve atje, tha se prej shtatorit, dhjetëra mësues të zonës së Roskovecit nuk marrin lekët e transportit.
Përfaqësues së sindikatës së mësuesve, deklaruan sot se do të nisin grevën duke e përshkallëzuar deri në pezullim të plotë të mësimit, nëse nuk marrin përgjigje për këtë problematikë.
“Për një mësues që duhet të verë në Roskovec ose në Vermishtë, do 100 mijë lekë me gjithë vështirësi. I bëjmë thirrje ZVA Rroskovec ,ministres Kushi, Edi Ramës, që ta marin më seriozisht dhe të zgjidhet sa më parë ky ngërç,” tha një mësues.
Desdemona Karafili, nënkryetare e sindikatës tha se janë ankuar në të gjithë strukturat shtetërore, por nuk kanë marë asnjë përgjigje.
“Shtator, tetor, nëntor, dhjetor në xhirim fondi venë rreth 12 miljon lekë të vjetra që mbahen për të gjithë mësuesit e zonës. E kemi çuar këtë letër më pedicion, me firmën e 34 mësuesve, kemi çuar letër në organet kopetente, në ZVA e Rroskovecit, në ministri dhe sot kemi çuar në Kryeministri,” tha ajo.
Përfaqësuesit e mësuesve thanë se grevat një orëshe do të jenë hapi i rradhës, ndërsa nëse nuk do të ketë zgjidhje të situatës, do të bojkotojnë mësimin.
