Gjykata ka lënë masën e sigurisë “arrest me burg” për Xhevit Sinani.
80-vjeçari dy ditë më parë vrau me sëpatë gruan e tij Zegjine Sinani dhe vëllain 72-vjeç Shaqir Sinani.
Gjatë seancës Xhevit Sinani është shfaqur i qetë në sallën e gjyqit. Sinani tha se kur kishte qenë në banesën e të vëllait e kishte parë këtë të fundit përtokë të vdekur dhe më pas kur kishte shkuar në banesën e tij kishte parë të pajetë bashkëshorten e tij.
“Vëllai kishte përdorur një ilaç në vesh, me pas kishte dale në oborr dhe ishte rrezuar, ishte vrarë. E mbulova vellane dhe ika te gruaja. Edhe gruaja ishte e vrarë.”, tha ai.
Pyetje: Ti ke vrare njeri?
Xheviti Sinani: Jo skam vrare njeri.
Sipas avokatit të caktuar kryesisht nga gjykata, 80 vjeçari ka probleme të qarta të shëndetit mendor dhe do t’i nënshtrohet vizitave mjekësore. Tashmë për të moshuarin është caktuar masa e arrestit me burg.
“Gruan e torturova dhe e mbyta. Vuajti shumë, e godita dhe me sëpatë. Vëllai nuk vuajti”, ka thënë i moshuari nje dite me pare në policinë e Elbasanit.
