Një aksident ka ndodhur mëngjesin e së martës në Berat.
Sipas njoftimit të policisë një 40-vjeçar që lëvizte me biçikletë, është përplasur nga një automjet. Shtetasi i plagosur me iniciale Xh.B është dërguar me urgjencë në spital, ku dhe po merr ndihmën mjekësore.
“Rreth orës 08:10, në rrugën urbane “Antipatrea”, në lagjen “Çlirim”, shtetasi D. D., 51 vjeç, duke drejtuar automjetin, ka aksidentuar shtetasin Xh. B., 40 vjeç, i cili lëvizte me biçikletë. Si pasojë është dëmtuar shtetasi Xh. B., i cili u dërgua në Spitalin Rajonal Berat, për ndihmë mjekësore”, njofton policia.
Gjithashtu bëhet me dije se drejtuesi i automjetit, shtetasi me iniciale D.D, u shoqërua në Komisariat, për kryerjen e veprimeve procedurale. Grupi hetimor po punon për zbardhjen e rrethanave të aksidentit.
