Një aksident i rëndë ka ndodhur pasditen e sotme në hyrje të Divjakës.
Sipas raportimeve të para bëhet me dije se një motor është përplasur me një automjet të tipit “Audi”. Për pasojë ka mbetur i plagosur drejtuesi i motomjetit i cili është dërguar menjëherë në spitalin e Lushnjës ku ndodhet në kujdesin e mjekëve jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
