Kandidati i opozitës për Bashkinë e Tiranës në zgjedhjet e 14 majit, Belind Këlliçi, ka ndarë më ndjekësit në rrjetin social ‘Facebook’ një tjëtër ‘punë të bashkisë’ ku një lagje e tërë në kryeqytet duket se është lënë në errësirë të plotë vetëm për shkak të një riparimi tubacionesh uji.
Këlliçi shkruan ndër të tjera, se Tirana është ajo që shikohet e jo ‘ajo fantashkenca që ju tregon bashkia, me diellin që lind nga veriu.’
Postimi i plotë i Këlliçit:
“Paaftësia e bashkisë e fotografuar nga vetë banorët.
Për një riparim tubash uji, një lagje e tërë ngelet në errësirë. Ndëpresin ndriçimin publik për mijëra banorë ndërsa dritat e rrugëve qëndrojnë ditën ndezur.
Ky është administrimi i bashkisë? Kjo na trumbetohet me të madhe në çdo ekran?
Tirana është kjo që shihni ju, jo ajo fantashkenca që ju tregon bashkia, me diellin që lind nga veriu.”, shkruan Këlliçi.
