Shpërthimet me tritol “zgjuan” ditën e sotme Shkorën.
Mëngjesin e sotëm një sasi tritoli ka shpërthyer në në banesën e shefit të Krimeve në Policinë e Shkodrës, Pëllumb Shpati (49 vjeç). Ngjarja ndodhi rreth orës 03:50 para banesës së tij në lagjen Dobraç.
Babai i shefit për hetimin e krimeve në Shkodër Gjergj Shpati ka deklaruar se nuk kanë konflikte me askënd dhe se kjo mund të jetë për shkak të detyrës së djalit të tij Pëllumb Shpati.
“Mbrëmë rreth orës 04:00 kam qenë në gjumë kam dëgjuar një shpërthim, dola të shikoja që ishte shkatërruar. Jemi 17 vetë në këtë shtëpi, tre familje në tre katet e shtëpisë. I fuqishëm ishte se e tregon vetë tek dëmet. Ka shkatërruar mure, dyer e dritare, fasada, makina, avlli. Nuk kemi parë gjë, s’na priti kush këtu. Nuk e di pse ka ndodh. S’më tha njeri bëhu gati. Për shkak të detyrës ndoshta se ne s’kemi ngatërresa me ndonjë. As i kam njeri borxh as nuk më ka kush. Nuk di a ka pas Pëllumbi ndonjë problem kohët e fundit. Shteti tëbëjë punën e vet e të hetojë” tha ai.
