Një tornado e madhe dhe jashtëzakonisht e rrezikshme goditi Alabamën qendrore, pjesë e një vargu stuhish që kanë goditur juglindjen e Shteteve të Bashkuara.
Të paktën 7 persona humbën jetën ndërsa mbi 30 shtëpi u shkatërruan, ndërsa disa pemë u rrëzuan duke bllokuar disa banorë dhe rrugë. Situata mbetet më e rëndën në lindje të Qarkut Dallas, ku një tornado e madhe goditi qytetin e Selmës.
Mbi 35 tornado u raportuan nga Shërbimet Kombëtare të Motit në të gjithë jugun e SHBA, duke vënë në rrezik më shumë se 30 milionë njerëz. Stuhitë kanë shkaktuar ndërprerje të energjisë elektrike për mijëra njerëz në katër shtete. Guvernatorët e Alabamës dhe Giorgias kanë deklaruar gjendjen e jashtëzakonshme.
Shërbimi Kombëtar i Motit në Birmingham, Alabama, lëshoi një deklaratë duke thënë se kishte marrë qindra raportime për dëme të konsiderueshme dhe u kërkoi banorëve që mos dalin jashtë shtëpisë pa qenë e nevojshme.
Stuhi të forta goditën gjithashtu edhe Monroe County, duke shkatërruar disa shtëpi. Pamjet e postuara në Twitter nga Menaxhimi i Emergjencave të Mississippi treguan disa ndërtesa të dëmtuara por nuk raportohet për të lënduar. Gjithashtu edhe Arkansas një tornado shkatërroi një shkollë dhe shtatë ndërtesa përreth.
Ndërkohë në anën e kundërt të vendit, Kalifornia është goditur nga një seri stuhish të forta që kanë shkaktuar përmbytje, rrëshqitje dheu dhe ndërprerje të energjisë elektrike. Të paktën 18 persona kanë vdekur atje për shkak të motit të keq.
