Pas skandalit me tenderin e rrugës “Xhon Belushi”, ku bashkia e Tiranës bëri punimet pa kryer ende tenderin, një tjetër problem është ajo e kryerja e tenderave apo dhe lidhja e kontratave me kompanitë fituese, ndërsa në terren nuk kryhet asnjë punim.
Syri Televizion bëri një vëzhgim në terren, ku inspektoi disa nga zonat dhe rrugët, të cilat do të duhet të ishin në proces pune për rehabilitim, pasi në dokumente zyrtare rezultojnë se janë tenderuar dhe lidhur kontratat për kryerjen e punimeve.
Një e tillë është rruga “Xhorxh Bush” në Kryeqytet me gjatësi 450 metra linear. Për këtë rrugë bashkia e Tiranës ka lidhur kontratë punimesh me kompaninë Almo Konstruksion në 24 nëntor të vitit 2022!
Sipas kontratës, punimet do të duhet të kishin nisur fill prej datës 24 nëntor, por nga vëzhgimi në terren rezulton se rreth dy muaj pas lidhjes së kontratës për nisjen e punimeve, në këtë rrugë nuk është duke u kryer asnjë punim.
Afati për përfundimin e kësaj rruge është 8 muaj nga lidhja e kontratës, ndërsa kosto totale për rehabilitimin e rrugës shkon në rreth 1 milionë euro me TVSH.
Një tjetër projekt i tenderuar në vjeshtën e vitit të kaluar nga Bashkia e Tiranës, është ajo e rikualifikimit urban të bllokut në rrugën “Ali Progri”, Jordan Misja,- Rrugët Rreli dhe Albanopoli. Për këtë projekt puna do të duhej në datën 9 dhjetor të vitit 2022, ndërsa parashikohet që punimet të zgjasin 10 muaj. Por kur ka kaluar 1 muaj nga lidhja e kontratës, në terren ende nuk ka nisur puna për zbatimin e projektit që kap vlerën e rreth 50 milionë lekë të reja pa tvsh.
Një tjetër projekt investim është ai për rikonstruksionin e 2.1 kilometra rrugë në zonën e farkës. Konkretisht, bashkia e drjetuar nga Erjon Veliaj, ka lidhur një kontratë me kompaniën Alba Konstruksion me vlerë 114 milionë lekë të reja pa TVSH për rehabilitimin e rrugës së “Agallarëve”. Kur kanë kanë kalaur dy javë nga lidhja e kontratës, në këtë rrugë ende nuk kanë nisur punimet, ndërsa ata do të duhet të mbyllen brenda një afati prej 6 muajsh.
Një tjetër tender me vlerë të madhe është ai për Sistemim asfaltime të rrugëve në Njësitë Administrative 1-11 dhe Lagjet 12, 13, 14”.
Ky tener është fituar nga 9 kompani në total, ndërsa vlera e përgjithshme e shumë së fituar nga këto kompani llogaritet në 7 milionë euro, nga 10 milionë euro që ishte vlera e fondit limit.
Fati i punimeve në njësitë administrative në këto zona nuk dihet ende, ndërkohë që sipas kontratës, ato duhet të mbyllen brenda dy viteve të ardhshme.
/SYRI.net
