Aktivistë të nismës ‘Thurrje’ protestuan paraditen e sotme para Bashkisë së Tiranës, duke kërkuar që buxheti i shtetit për vitin 2023 të bëhet publik sa më shpejt. Ata kërkuan më shumë informacione lidhur me taksat që qytetarët do të paguajnë, ku sipas tyre gjatë këtij viti banorët e Tiranës do të duhet të paguajnë 51 miliardë lekë të vjetra më shumë.
“Pse pikërisht nuk bëhen publike buxheti i shtetit. Pse shohim tarifa më shumë, pastrimi, pronës dhe pse është njëra nga Bashkitë që paguan më shumë. Qytetarët paguajnë më shumë taksa. Pyetja ime është ‘A është e vërtetë që këtë vit taksat do të jenë më shumë në rritje?’ Kemi dëgjuar që këtë vit qytetarët e Tiranës do të paguajnë 51 miliardë lekë të vjetra më shumë. Çfarë taksë do të jetë, nga do të dalin këto qindra mijëra euro, nga do të dalin këto tarifa? Do rrisni taksën e pronës, gjelbërimit? Cilën pjesë të taksave do të risni për të arritur këtë gjë? A është e vërtetë që qytetarët e Tiranës do të paguajnë 51 miliardë më shumë?”, u shprehën ata.
Nisma Thurje paralajmëroi se do të dalë sërish në protestë nëse nuk marrin përgjigjet e pyetje të parashtruara lidhur me buxhetin e vitit 2023.
