Mjeku epidemiolog, Ilir Alimehmeti ka kritikuar ligjin e barnave. Me anë të një postimi në FB, Alimehmeti shkruan se me këtë ligj, fillon paketa e madhe e dhuratave të qeverisë për veten dhe oligarkët e tyre.
Sipas tij, ky ligj nuk përputhet me direktivat evropiane si dhe nuk merr parasysh propozimet e grupeve të interesit. Po ashtu ai ka shtuar se ky ligj nuk i përafrohet as Kosovës.
“Me ligjin e barnave fillon paketa e madhe e dhuratave te qeverise per veten dhe oligarket e tyre! Ligji i barnave nuk perputhet me direktivat europiane! Ligji i barnave nuk ka marre paresysh propozimet e grupeve te interesit thote Presidentja e Urdherit te Farmacisteve. Ligji i barnave nuk i perafrohet as Kosoves. Ndoshta eshte faji jone qe kerkojme ta krahasojme me Europen. Ndoshta keta nuk duan te na çojne ne Europe por diku tjeter. E ka krahasuar kush ligjin e barnave me Serbine apo Turqine? Apo eshte shpikje e jona?”, shkruan mjeku.
