Kuvendi i Komunës së Tuzit miratoi dje vendimin për vendosjen e përmendores së heroit kombëtar Gjergj Kastriotit Skenderbeut në Tuz. Vendimi u miratua me votat e këshilltarëve të Forumit Shqiptar (ASH-LDSH-UNSH), këshilltarit të demokratëve dhe dy këshilltarëve nga opozita Elvir Kajoshaj dhe Daniella Gjelaj nga DPS.
DPS i Tuzit sot ka dalë me njoftimin se kundër Kajoshaj dhe Gjelaj kanë filluar proceduren për përjashtimin nga partia. Më poshtë mund të lexoni deklaratën e plotë të DPS:
Filloi procedura për arratisjen e këshilltarëve Elvir Kajosheviq dhe Danijella Gjelaj, do të përjashtohen nga të gjitha organet e partisë sonë
“Kujtojmë se kundër qëndrimit të Klubit të këshilltarëve të partisë sonë dje morën pjesë në seancën e KK Tuz e që ishin këshilltarët Elvir Kajosheviq dhe Danijella Gjelaj dhe në atë mënyrë siguruan kuorumin dhe shumicën e nevojshme për votimin e rendit të ditës”, deklaruan nga PDS Tuz.
Pas të gjitha ngjarjeve të djeshme para dhe gjatë seancës, sipas tyre, ka arsye për të dyshuar se këshilltarët e përmendur janë pjesë e një “grupi të organizuar nën patronazhin e Nikë Gjeloshaj”, qëllimi kryesor i të cilit, theksojnë nga PDS , është realizimi i “mashtrimeve të parapërgatitura dhe e gjithë kjo e përcjellë me korrupsion politik dhe shfrytëzojmë rastin të ftojmë organet kompetente shtetërore që të shqyrtojnë të gjithë rastin”.
Këshilli komunal i PDS Tuz është i mendimit se duke pasur parasysh se Elvir Kajosheviq dhe Danijela Gjelaj, me sjelljen e tyre të pabesë, komprometuan mandatin e këshilltarit dhe veten personalisht, pa njoftuar më parë askënd për një akt të tillë, jo vetëm në rangun partiak, por edhe në nivel miqësor, kolegëve me të cilët ndanin të njëjtat botëkuptime politike deri atëherë, nëse nuk kthejnë mandatin e vet, këshilltarët e ikur nga mandati do të përballen me kallëzime penale, por edhe me dënimin e të gjithë qytetarëve të komunës sonë, të cilët e dinë shumë mirë se çfarë është nderi njerëzor dhe morali politik”, sqaroi PDS Tuz.
Sipas Këshillit, seanca e djeshme është tregues i qartë se koalicioni i mbledhur rreth Nikë Gjeloshaj “zyrtarisht nuk ekziston më”.
“Dhe me një akt kaq të pamoralshëm i zgjati ditët e tij tashmë të numëruara.
Nuk ka më forum shqiptar as shumicë nga 3 marsi 2019. ”, përfundoi PDS Tuz.
