Banorët e Bërxullës kanë dalë sërish në protestë duke pretenduar se tokat e tyre po “grabiten” nga shteti.
Këtë të hënë banorët e kanë zhvendosur protestën e tyre përballë Ambasadës së SHBA-së duke kundërshtuar ndërtimin e aksit Thumanë-Kashar e cila prek tokat e tyre. Banorët janë shprehur se nuk kanë marrë asnjë detaj rreth këtij projekti.
“Kemi gati 90 ditë që protestojmë, kundër projektit. Nuk ka asnjë detaj se çfarë do të bëhet. Nga qeveria nuk ka ardhur asnjë njeri, as nga bashkia. Nuk pyetemi fare”, ka thënë një qytetar.
“Pronat tona na i copëtojnë dhe dalin të pavlefshme. Jemi njerëz me familje dhe nuk dimë ku të shkojmë. Katastrofë e madhe”, ka thënë një tjetër qytetar.
Banorja: Ata duan t’i zaptojnë tokat me forcë me polici. Dhe ambasadave të tjera do i drejtohemi.
“Sot është dita e 86 e protestës dhe deri më sot asnjë institucion nuk ka marrë mundimin më të vogël për të zgji dhur këtë problem. I bëj thirrje ambasadores Yuri Kim të na mbështetë në këtë protestë të shohë të gjitha aktet e paligjshëmirsë në këtë koncesion që ka nisur që në 2019 dhe shteti ia ka lënë pa garë koncensionarit ku jep të drejtën e tagrit për të vepruar kundër ligjit”, u shpreh një banor tjetër.
