Një aksident tragjik ka ndodhur këtë të martë në Elbasan ku si pasojë ka humbur jetën një person dhe kanë mbetur të plagosur tre të tjerë.
Personi që shihni në foto është Besnik Samurri, viktima e aksidentit tragjik.
Aksidenti ka ndodhur në Qafë Mollë në fshatin Samurr të Njësisē Administrative Labinot Fushë, 20 km larg qytetit të Elbasanit, ku makina ka dalë nga rruga dhe ka përfunduar në një humnerë.
Ndërkohë të plagosur kanë mbetur Misir Maloku, gruaja dhe djali i tij, të cilët ndodhen jashtë rrezikut për jetën.
