Ministria e Jashtme, Olta Xhaçka ditën e sotme po zhvillon një vizitë zyrtare në Athinë.
Mediat raportojnë se delegacionet kanë nisur bisedimet në orën 08:00 të mëngjesit, ndërsa dy ministrat Nikos Dendias dhe Xhaçka do të kenë mundësi që të bisedojnë gjatë dy orëve që palët do të zhvillojnë takimin.
Sipas njoftimit për shtyp të Ministrisë së Jashtme greke, bëhet me dije se në fokus të bisedimeve do të jenë çështje që preokupojnë marrëdhëniet dypalëshe siç janë tekstet shkollore, çështja e varrezave të të rënëve grekë në luftën e dytë botërore. Diskutime do të ketë edhe për përshpejtimin e zgjidhjes së detit, proces ky që tashmë palët e kanë dërguar për zgjidhje në gjykatën ndërkombëtare të Hagës.
“Athinë/ Kënaqësi të takoja homologun tim Ministrin e Punëve të Jashtme të Greqisë, Nikos Dendias. Patëm një diskutim konstruktiv për të gjitha aspektet e marrëdhënieve Shqipëri -Greqi. Mirënjohje ministrit Dendias për rolin e tij në thellimin dhe zgjerimin e partneritetit midis dy vendeve dhe mbështetjen për integrimin e Shqipërisë dhe Ballkanit Perëndimor në BE. Ndamë të njëjtin vizion dhe dëshirë për të ardhmen e marrëdhënieve tona dhe të rajonit në tërësi. Jemi të përkushtuar të punojmë ngushtë së bashku në gjetjen e mënyrave të reja për t’u angazhuar në mënyrë konstruktive për të mirën e popujve tanë dhe të rajonit“, njofton Ministria e Jashtme teksa publikon edhe foto nga takimi mes dy palëve.
Prej kohësh Greqia kërkon që të zgjerohet me 12 milje në detin Jon, një lajm që ka shkaktuar përplase të forta mes opozitës dhe mazhorancës. Partia Demokratike akuzoi kryeministrin Edi Rama se po shet detin, ndërsa i kanë kërkuar që dy palët në këtë marrëveshje të bëjnë transparencë.
