Mario Muka është 42-vjeçari shqiptar që ka mbetur i vdekur në një atentat me armë zjarri në Duseldorf të Gjermanisë.
Policia gjermane ka vënë në pranga dy persona për vrasjen e 42-vjeçarit. Arrestimi i tyre është bërë pasditen e të martës, 29 nëntor.
Aktualisht po përcaktohet nëse ata kanë lidhje me vrasjen e shqiptarit. Arrestimet u kryen si pjesë e një operacioni kontrolli në një qendër droge në Krefeld që ishte planifikuar tashmë për atë ditë.
Një zëdhënëse e policisë konfirmoi: “Kishte dy arrestime në Theaterplatz, një për shkak të një njoftimi më të vjetër në ërkim. Po hetohet nëse të dy personat kanë lidhje me vrasjen”.
Ndaj të arrestuarit të dytë nuk kishte asgjë, por hetuesit fillimisht nuk kanë dashur të thonë se përse është ndaluar.
Ndërkohë, autopsia e trupit ka konfirmuar shkakun e vdekjes.
Sipas prokurorit të lartë publik Axel Stahl, “viktima vdiq nga një goditje në kokë.” Arma e vrasjes nuk është gjetur dhe një kontroll i kryer dje nuk dha rezultat.
Një makinë Peugeot, e cila u gjet jo shumë larg vendit të krimit në Garnstrasse, rezultoi pas kontrollit se nuk ishte në listën e kërkimit. Po vijon sigurimi i provave në automjet.
