Deputeti Ervin Salianji u shpreh në një intervistë televizive se protesta e 6 dhjetorit është demokratike dhe kërkon vëmendjen e BE-së drejt vendin tonë.
Ai tha se nuk është aspak kundër BE-së, por kundër regjimit të Ramës i cili ka marrë nën kontroll çdo pushtet dhe aspekt të shtetit.
“Shqipëri ka si destinacion vetëm Perëndimin. Një protestë e këtij lloji kërkon që të ketë më shumë vëmendje dhe investim e BE-së ndaj një qeveria që është regjim. Nuk ka në BE qeveri si Rama që kontroll gjithçka. Këtu nuk ka sistem të drejtësisë dhe shtet të së drejtës, prandaj BE duhet të shohë se këtu nuk ka një shoqëri që është e prirur drejt stabilitetit”, tha deputeti për “RTV Ora”.
“Socialistët kanë këtë punë prej 50 vitesh kur nuk bënin protesta se nuk vinin njerëz dhe nuk dilnin. E prisnin me lule sepse ishim në ditët më të zeza. Kjo është një mendësi e njerëzve që janë përkëdhelur nga komunizmi dhe tani përkëdhelen nga krimi. Turp është të shohësh se si vidhet Shqipëria. Qytetarët duhet të dalin të protestojnë. Unë do jem në shesh për shumë arsye. Nuk është një protestë kundër BE-së, por në shoqërinë demokratike nuk ka turp për protestë ndaj qeverisë”, shtoi ai.
