Dy të rinjtë, një 23-vjeçar nga Rumania dhe një 19-vjeçar nga Shqipëria, janë arrestuar në Selanik pasi kanë transportuar në dy raste të ndara emigrantë të paligjshme të fshehur në vende të posaçme brenda kamionëve.
Sipas mediave greke, punonjësit e policisë së Departamentit të Menaxhimit të Emigracionit pranë Drejtorisë së të Huajve të Selanikut, kanë identifikuar të njëjtin numër të kamionëve që transportonin në mënyrë të paligjshme, në depo të posaçme, emigrantë të cilëve u mungonin dokumentet për qëndrimin e tyre të ligjshëm në territorin grek.
Në rastin e shqiptarit, u konstatua se mjeti që drejtohej nga 19-vjeçari ishte me targa false dhe nga hetimet rezultoi se ishte denoncuar i vjedhur në shtator të këtij viti në një komisariat në Prefekturën e Atikës.
Gjithashtu, u kryen kontrolle të synuara për identifikimin e personave që banonin ilegalisht në territorin grek dhe u arrestuan shtatë persona të tjerë nga Siria, pasi nuk kishin dokumentet ligjore të kërkuara për qëndrimin e tyre në vend.
