Kryetari i Partisë Demokratike, Sali Berisha i është përgjigjur një prej ndjekësve të tij se përse nuk e përjashton Enkelejd Alibeajn nga kjo forcë politike.
Në një komunikim në FB, Berisha ka thënë së kanë hequr nga statuti i PD-së nenin e përjashtimin.
“Ne hoqëm nga statuti i PD-së nenin e përjashtimin me besimin më të madh se procesi në të cilin po kalonte PD duhet të dominonin përpjekjet për ribashkimin e të gjithë kontributorëve politikë të kësaj partie. Në këtë kontekst jo vetëm që nuk kemi nen përjashtimi, por kemi edhe një nen që lejon cilido që nuk bie dakord me qëndrime të caktuara, të krijojë fraksion brenda PD-së”, është shprehur demokrati.
Berisha shton se: “Opozita e vërtetë pësoi një infeksion të rëndë dhe akti më makabër, më armiqësor i Edi Ramës pas grabitjes së votës së shqiptarëve është grabitja e kreut të opozitës shqiptare në mënyrën më mafioze, më të rëndë, më të papranueshme. Le ta marrim si proces, me durim dhe ta shohin qytetarët se kush sheh interesat dhe kush është i emëruar dhe në fund të këtij procesi ne do të marrim fitoren që meritojmë dhe të tjerëve atë që u jeop historia, bukëshkalëve””.
